მითი N1
თუ წონაში კლება გინდა უნდა გააკეთო კარდიო ვარჯიშები, ამ დროს უფრო მეტი კალორია იწვება…
დიახ, რათქმაუნდა კარდიო ვარჯიშების დროს ადამიანის გულისცემა იზრდება, შესაბამისად ორგანიზმი წვავს მეტ კალორიას ანაერობულ ვარჯიშებთან შედარებით (საკუთარი სხეულის წონით ვარჯიში, სიმძიმეებით ვარჯიში), თუმცა ძალისმიერი ვარჯიში აშენებს კუნთებს ან ეხმარება თქვენს ორგანიზმს რომ კლების დროს მაქსიმალურად შეინარჩუნოთ კუნთური მასა, რაც უფრო მეტი კუნთი გაქვთ, მით მეტ კალორიას დაწვავს თქვენი სხეული, როგორც კარდიო ვარჯიშების დროს ასევე მოსვენებულ მდგომარეობაში.
მითი N2
ძალისმიერი ვარჯიშები ძალიან ზრდის კუნთურ მასას და არის საშიშროება რომ დაემსგავსო ბოდიბილდერს…
იმისთვის რომ კუნთური მასა გაიზარდოთ აუცილებლად უნდა იკვებოთ კალორიულ ნამატში (მოიმატოთ წონაში, გასუქდეთ) და ამავდროულად დაკავდეთ ძალისმიერი ვარჯიშებით და მიუხედეავად ამ ყველაფრის იდეალურად შესრულებისა ამ პროცესისთვის საჭიროა წლები და იდეალური სიზუსტიდ ყველაფრის კეთება. გარდა ამისა, ქალისთვის განსაკუთრებული დაკუნთვა ფაქტიურად შეუძლებელია, ვინაიდან 99% ქალის სხეულის არ არის მოწყობილი ისე რომ დაიკუნთოს. ორგანიზმში ტესტოსტერონის დონე განსაზღვრავს, თუ როგორი რეაგირება ექნება სხეულს ძალისმიერ ვარჯიშებზე. ქალთა უმრავლესობა რეაგირებს წონით ვარჯიშებზე განსხვავებულად კაცებისგან, არ იკუნთება უბრალოდ ეკვეთება ლამაზი ფორმები და მკვრივდება.
მითი N3
ვარჯიშის დღეს შეგიძლია მიირთვა მეტი კალორია…
არასოდეს დათვალოთ ვარჯიშით დამწვარი კალორია, მისი ზუსტად გამოთვლა შეუძლებელია. ის დანადგარები რომელიც ვარჯიშით დამწვარ კალორიას გაჩვენებთ ფაქტიურად ყოველთვის იმაზე მეტ რიცხვს წერს (დამწვარ კალორიას) ვიდრე რეალურად არის. თუ თქვენი მიზანი წონაში კლებაა იპოვეთ თქვენი კალორიული დეფიციტი და ვარჯიშის დღესაც და იმ დღესაც როდესაც ისვენებთ მიიღეთ იდენტური რაოდენობის კალორია, ხოლო რამდენს წვავთ ფიზიკური აქტივობით თუ მოსვენებულ მდგომარეობაში მაგის დათვლას აზრი არ აქვს.
გახსოვდეთ, წონაში კლებისთვის დეფიციტურ კვებას აქვს უდიდესი მნიშვნელობა.
მითი N4
ვარჯიშის დაწყებამდე გაწელვების კეთება არის ტრავმისგან თავის დაცვის გარანტია…
არანაირი კვლევა არ ამტკიცებს ამ მოსაზრებას, ტრავმის მიღება დამოკიდებულია ვარჯიშების სწორად შესრულებაზე და თქვენი სხეულის აგებულებაზე. რათქმაუნდა პრევენციის მიზნით შეგიძლიათ გააკეთოდ ვარჯიშამდე გაწელვები, მაგრამ ასევე აუცილებლად დააკვირდით ორგანიზმს, თუ გრძნობთ რომელიმე სხეულის ნაწილზე დისკომფორტს ვარჯიშის დროს შეცვალეთ ვარჯიში, ან მაგ ადგილის გახურებას დაუთმეთ მეტი დრო. მთავარია საკუთარი ორგანიზმის შესწავლა.
მითი N5
კარდიო დანადგარები, საათები, აპლიკაციები ზუსტად აჩვენებს რამდენი კალორია დაწვა ადამიანმა ფიზიკური აქტივობის დროს…
როგორც მანამდე ავღნიშნეთ, არცერთი დანადგარი არ აჩვენებს ამ მონაცემებს სწორად, ისეთებიც კი რომელიც გაძლევთ იმის საშუალებას, რომ მაქსიმალურად მეტი პირადი ინფორმაცია შეიყვანოთ თქვენს შესახებ. დამწვარი კალორია არ არის დამოკიდებული მხოლოდ იმაზე რამდენი წლის ხართ, რა სქესის და წონის, ყველაზე მნიშვნელოვანია თქვენი მეტაბოლიზმის დონე, ისეთი დეტალებიც კი როგორიცაა ღამე როგორ გეძინათ და ა.შ.
მითი N6
რელიეფური მუცელი გინდა? გააკეთე რაც შეიძლება მეტი პრესისი ვარჯიში...
ყველა ადამიანს გენეტიკურად აქვს მუცლის კუნთი, რომელიც ჩამალულია მუცელზე არსებულ ცხიმში, შესაბამისად თუ ცხიმი არ დაიწვა კუნთიც არ გამოჩნდება. მხოლოდ პრესისი ვარჯიში ცხიმს ვერ დაწვავს, ცხიმის დასაწვავად საჭიროა კალორიული დეფიციტი, ანუ წონაში დაკლება. სამწუხაროდ წონაში კლება ლოკალურად, ერთ რომელიმე სხეულის ნაწილზე არ ხდება, საჭიროა კომპლექსური მიდგომა, დეფიციტური კვება და ფიზიკური აქტივობა.
მითი N7
ვარჯიშის მერე აუცილებლად 2 საათი უნდა იყოს გასული საკვების მისაღებად, წინააღმდეგ შემთხვევაში ან მოიმატებ წონას ან ვერ დაიკლებ…
თუ თქვენი მიზანი წონაში კლებაა და იკვებებით კალორიულ დეფიციტში მიიღეთ საკვები როცა გინდათ, თუნდაც ვარჯიშიდან 20 წუთში. როდესაც ადამიანი დეფიციტშია ცხიმის წვის პროცესს ვერ შეაჩერებს ეს ქმედება, რომ არაფერი ვთქვა წონის მატებაზე.
მითი N8
ცილა/პროტეინი აუცილებლად უნდა მიიღო ვარჯიშიდან 30 წუთის განმავლობაში, ეს კუნთის შენებას ან შენარჩუნება უწყობს ხელს…
არ აქვს გადამწყვეტი მნიშვნელობა როდის მიიღებ ცილას, მთავარია დღის განმავლობაში შეავსო შენთვის საჭირო რაოდენობა.
მითი N9
თუ არ ოფლიანდები ვარჯიშის დროს ესიგი ვარჯიში არ არის სრულფასოვანი…
ოფლიანობა ეფექტური ვარჯიშის გაზომვის არაზუსტი გზაა. უამრავი ადამიანის ორგანიზმი ისეა მოწყობილი, რომ თავად აგრილებს სხეულს (cooling your own body).
მითი N10
ბევრისთვის საყვარელი ფრაზა No pain, No gain
მიუხედავად იმისა, რომ ვარჯიშის დროს არასასიამოვნო შეგრძნება ნორმალურია, ტკივილის შეგრძნება არ არის ნორმალური. ბევრი სპორტსმენი და ფიტნეს ინდუსტრიაში დაკავებული ადამიანი ცხოვრობს ლოზუნგით “no pain, no gain”.
თუ ვარჯიშის დროს ტკივილის შეგრძნება გაქვთ, დაუყოვნებლივ გაჩერდით, ამით შეიძლება ტრავმა აიცილოთ თავიდან. მძიმე შრომა (hard work) და ტკივილი არ არის ერთიდაიგივე რამ.
